The Telegraph хабарига кўра, "Тоттенхэм" жамоаси бош мураббийи лавозимига испаниялик мутахассис Луис Энрикени таклиф қилиш имкониятини кўриб чиқмоқда.
Агар "шпорлар" Энрикени чиндан ҳам қўлга киритишни истаса, у ҳолда "Челси" билан рақобатлашишига тўғри келади, деб ёзади газета. Хабар қилинишича, "шпорлар" барча масалаларни муҳокама қилиш учун "кўклар" раҳбариятидан сўнг Энрикени суҳбатга таклиф қилмоқчи.
Кристиан Стеллини ҳозирда бош мураббий вазифасини бажарувчи бўлиб ишламоқда. Аввалроқ клубни март ойидаги халқаро танаффус вақтида жамоани тарк этган италиялик Антонио Конте бошқарган.
"Тоттенхэм"нинг қисқа рўйхатидан шунингдек, Юрген Клинсманн, Брендан Рожерс, Венсан Компани, Маурисио Почеттино, Грэм Поттер ва Юлиан Нагельсманн ҳам бор.
