"Manchester Siti" yarim himoyachisi Ilkay Gyundogan jamoani tark etishi mumkinligi haqidagi xabarga munosabat bildirdi.

“Zaxira rejalarimda muzokaralar bor, menimcha, bu normal holat. Lekin tafsilotlarga to‘xtalib o‘tirmayman. Hozircha hech narsa hal qilinmagan. Albatta, muzokaralar davom etmoqda, shuning uchun qandaydir yechim topilsa, bu haqda birinchi bo‘lib siz xabardor bo‘lasiz”, — deya Gyundoganning so‘zlarini keltirgan jurnalist Fabrisio Romano.

Avvalroq, 32 yoshli germaniyalik futbolchi faoliyatini "Barselona"da davom ettirishi mumkinligi haqida xabar berilgandi. Futbolchining "Manchester Siti" bilan amaldagi shartnomasi mavsum oxirida yakuniga yetadi.

Gyundogan joriy mavsumda 40 ta o‘yinda maydonga tushib, 5 ta gol urdi va 3 ta golli uzatmani amalga oshirdi.