"Манчестер Сити" ярим ҳимоячиси Илкай Гюндоган жамоани тарк этиши мумкинлиги ҳақидаги хабарга муносабат билдирди.

“Захира режаларимда музокаралар бор, менимча, бу нормал ҳолат. Лекин тафсилотларга тўхталиб ўтирмайман. Ҳозирча ҳеч нарса ҳал қилинмаган. Албатта, музокаралар давом этмоқда, шунинг учун қандайдир ечим топилса, бу ҳақда биринчи бўлиб сиз хабардор бўласиз”, — дея Гюндоганнинг сўзларини келтирган журналист Фабрицио Романо.

Аввалроқ, 32 ёшли германиялик футболчи фаолиятини "Барселона"да давом эттириши мумкинлиги ҳақида хабар берилганди. Футболчининг "Манчестер Сити" билан амалдаги шартномаси мавсум охирида якунига етади.

Гюндоган жорий мавсумда 40 та ўйинда майдонга тушиб, 5 та гол урди ва 3 та голли узатмани амалга оширди.