Madridning "Atletiko" klubi hujumchi Joau Feliks yozda jamoaga qaytishi mumkin bo‘lgan ssenariyni istisno qilmayapti.
Eslatib o‘tamiz, shu yilning yanvar oyidan boshlab portugaliyalik futbolchi ijara asosida Londonning "Chelsi" klubi sharafini himoya qilmoqda.
Insayder Matteo Morettoning ijtimoiy tarmoqlarda xabar berishicha, "Atletiko" Feliksning ehtimoliy qaytishida muammo ko‘rmayapti. Biroq hozirda "Chelsi" futbolchini doimiy ravishda o‘zida saqlab qolishni kutmoqda.
Eslatib o‘tamiz, "Chelsi" Feliksning ijarasi uchun taxminan 11 million yevro to‘lagan edi. Doimiy ravishdagi transfer summasi 100 million yevrodan oshiqroq baholanmoqda. "Chelsi" mavsum oxirida sotib olish imkoniyatiga ega emas, ammo "Atletiko" sotuvga ochiq.