Мадриднинг "Атлетико" клуби ҳужумчи Жоау Феликс ёзда жамоага қайтиши мумкин бўлган сценарийни истисно қилмаяпти.
Эслатиб ўтамиз, шу йилнинг январь ойидан бошлаб португалиялик футболчи ижара асосида Лондоннинг "Челси" клуби шарафини ҳимоя қилмоқда.
Инсайдер Маттео Мореттонинг ижтимоий тармоқларда хабар беришича, "Атлетико" Феликснинг эҳтимолий қайтишида муаммо кўрмаяпти. Бироқ ҳозирда "Челси" футболчини доимий равишда ўзида сақлаб қолишни кутмоқда.
Эслатиб ўтамиз, "Челси" Феликснинг ижараси учун тахминан 11 миллион евро тўлаган эди. Доимий равишдаги трансфер суммаси 100 миллион евродан ошиқроқ баҳоланмоқда. "Челси" мавсум охирида сотиб олиш имкониятига эга эмас, аммо "Атлетико" сотувга очиқ.
