"Bavariya" bosh murabbiyi Tomas Tuxel "Manchester Siti"ga qarshi Chempionlar ligasi 1/4 final javob uchrashuvi haqidagi fikrlari bilan o‘rtoqlashdi. Jamoalarning birinchi uchrashuvi 3:0 hisobida “shaharliklar” foydasiga hal bo‘lgan.

"Bizga mo‘’jiza kerak. Biz realistik bo‘lishimiz kerak - lekin biz o‘zimizga ishonamiz. Bu javob o‘yini. Biz ishonishimiz kerak, ishonch o‘z qo‘limizda. Biz jamoaviy ruh, samaradorlik va energiya orqali natijalarga erishishimiz mumkin.

Biz yolg‘iz emasmiz, biz bir jamoa bo‘lib kurasha olamiz va biz bilan birga jang qilishga tayyor bo‘ladigan tomoshabinlarimiz bor”, - deya Tuxelning so‘zlarini keltiradi UYEFA matbuot xizmati.

Javob o‘yini 19 aprel chorshanba kuni Myunxendagi "Alyans-Arena"da bo‘lib o‘tadi.