"Бавария" бош мураббийи Томас Тухель "Манчестер Сити"га қарши Чемпионлар лигаси 1/4 финал жавоб учрашуви ҳақидаги фикрлари билан ўртоқлашди. Жамоаларнинг биринчи учрашуви 3:0 ҳисобида “шаҳарликлар” фойдасига ҳал бўлган.
"Бизга мўъжиза керак. Биз реалистик бўлишимиз керак - лекин биз ўзимизга ишонамиз. Бу жавоб ўйини. Биз ишонишимиз керак, ишонч ўз қўлимизда. Биз жамоавий руҳ, самарадорлик ва энергия орқали натижаларга эришишимиз мумкин.
Биз ёлғиз эмасмиз, биз бир жамоа бўлиб кураша оламиз ва биз билан бирга жанг қилишга тайёр бўладиган томошабинларимиз бор”, - дея Тухелнинг сўзларини келтиради УЕФА матбуот хизмати.
Жавоб ўйини 19 апрель чоршанба куни Мюнхендаги "Альянц-Арена"да бўлиб ўтади.