«Betis» vingeri, 41 yoshli Xoakin mavsum tugaganidan keyin faoliyatini yakunlashini ma’lum qildi.

Xoakin professional faoliyatini 1999 yilda «Real Betis»da boshlagan. 2006 yilda futbolchi «Valensiya»ga ko‘chib o‘tdi va u yerda 2011 yilning iyunigacha o‘ynadi.

Ispaniyalik futbolchi shuningdek, «Malaga» (2011-2013), «Fiorentina» (2013-2015) klublari sharafini himoya qilgan va 2015 yildan buyon yana «yashil-oqlar» sharafini himoya qilgan.

2002 yildan 2007 yilgacha Xoakin Ispaniya terma jamoasi safida 52 ta o‘yin o‘tkazib, 4 ta gol urgan.