«Бетис» вингери, 41 ёшли Хоакин мавсум тугаганидан кейин фаолиятини якунлашини маълум қилди.

Хоакин профессионал фаолиятини 1999 йилда «Реал Бетис»да бошлаган. 2006 йилда футболчи «Валенсия»га кўчиб ўтди ва у ерда 2011 йилнинг июнигача ўйнади.

Испаниялик футболчи шунингдек, «Малага» (2011-2013), «Фиорентина» (2013-2015) клублари шарафини ҳимоя қилган ва 2015 йилдан буён яна «яшил-оқлар» шарафини ҳимоя қилган.

2002 йилдан 2007 йилгача Хоакин Испания терма жамоаси сафида 52 та ўйин ўтказиб, 4 та гол урган.