"Vulverxempton" yarim himoyachisi Mateus Nunes Angliya Premyer-ligasining top-klublaridan biriga o‘tishi mumkin.
24 yoshli portugaliyalik futbolchiga “Liverpul” va “Manchester Yunayted” klublari qiziqish bildirmoqda, ular bo‘lajak transfer oynasida yarim himoyachini qo‘lga kiritish uchun kurashishni rejalashtirgan.
Football Insider xabariga ko‘ra, "bo‘rilar" rahbariyati mahalliy gigantlarning qiziqishi ortib borayotganini inobatga olgan holda, Nunesni sotishdan klub uchun rekord miqdorda daromad olishni kutmoqda.
"Vulverxempton"ning hozirgacha bo‘lgan eng katta sotuvi bu Diogu Jotaning "Liverpul"ga 45 million yevroga transferi bo‘ldi.
Mateus Nunes bilan amaldagi shartnoma 2027 yilgacha mo‘ljallangan.













