"Вулверхэмптон" ярим ҳимоячиси Матеус Нунес Англия Премьер-лигасининг топ-клубларидан бирига ўтиши мумкин.
24 ёшли португалиялик футболчига “Ливерпуль” ва “Манчестер Юнайтед” клублари қизиқиш билдирмоқда, улар бўлажак трансфер ойнасида ярим ҳимоячини қўлга киритиш учун курашишни режалаштирган.
Football Insider хабарига кўра, "бўрилар" раҳбарияти маҳаллий гигантларнинг қизиқиши ортиб бораётганини инобатга олган ҳолда, Нунесни сотишдан клуб учун рекорд миқдорда даромад олишни кутмоқда.
"Вулверхэмптон"нинг ҳозиргача бўлган энг катта сотуви бу Диогу Жотанинг "Ливерпуль"га 45 миллион еврога трансфери бўлди.
Матеус Нунес билан амалдаги шартнома 2027 йилгача мўлжалланган.
