«Inter»ning chap qanot himoyachisi Federiko Dimarko «Benfika»ga qarshi (3:3) Chempionlar ligasi 1/4 final uchrashuvidan so‘ng jurnalistlarning savollariga javob berdi.
«Neradzurrilar» o‘tgan haftadagi birinchi o‘yinda 2:0 hisobida g‘alaba qozongandi. Yarim finalga «Inter» 13 yil deganda ilk marta yo‘l oldi.
«Biz juda xursandmiz. «Inter» anchadan buyon yarim finalga chiqa olmagandi, endi asosiy o‘yinga bir qadam qoldi.
Chempionlar ligasida g‘alaba qozonish imkoniyati kamdan-kam bo‘ladi, biz tarixni qayta yozmoqchimiz.
Endi bor e’tiborimizni A Seriya va Italiya Kubogiga qaratishimiz kerak, shundan keyingina «Milan» bilan yarim final uchrashuvlari haqida o‘ylaymiz», dedi Dimarko.
