«Интер»нинг чап қанот ҳимоячиси Федерико Димарко «Бенфика»га қарши (3:3) Чемпионлар лигаси 1/4 финал учрашувидан сўнг журналистларнинг саволларига жавоб берди.
«Нерадзуррилар» ўтган ҳафтадаги биринчи ўйинда 2:0 ҳисобида ғалаба қозонганди. Ярим финалга «Интер» 13 йил деганда илк марта йўл олди.
«Биз жуда хурсандмиз. «Интер» анчадан буён ярим финалга чиқа олмаганди, энди асосий ўйинга бир қадам қолди.
Чемпионлар лигасида ғалаба қозониш имконияти камдан-кам бўлади, биз тарихни қайта ёзмоқчимиз.
Энди бор эътиборимизни А Серия ва Италия Кубогига қаратишимиз керак, шундан кейингина «Милан» билан ярим финал учрашувлари ҳақида ўйлаймиз», деди Димарко.
