"Bavariya" bosh murabbiyi Tomas Tuxel Chempionlar Ligasi va Germaniya Kubogidan chiqib ketganiga qaramay, jamoa inqirozda ekanligiga ishonmayapti.

“Germaniya kubogida yarim finalsiz uch yil yetarli emasligini juda yaxshi tushunaman. Ammo jamoa ketma-ket uch yil Chempionlar ligasining chorak finalida o‘ynadi. Bu inqiroz emas. Biz hamma narsani so‘roq qilishimiz shart emas. Ko‘plab yirik klublar chorak finalga chiqa olmadi. Biz shuhratparast bo‘lib qolamiz va har doim ko‘proq narsani xohlaymiz. Bundesligada hamon birinchimiz. Bizda inqiroz bor deb aytmagan bo‘lardim", - deya Tuxelning so‘zlaridan iqtibos keltiradi Bayern & Germany.