“Sevilya” hujumchisi Yussef En-Nesiri Yevropa Ligasi 1/4 finali javob o‘yinlarining eng yaxshi futbolchisi deb topildi. Ma’lumotlar UYEFA rasmiy sayti sahifalarida e’lon qilingan.

Eslatib o‘tamiz, payshanba oqshomida "Sevilya" o‘z maydonida "Manchester Yunayted"ni 3:0 hisobida mag‘lub etgandi. En-Nesiri urilgan ikkita gol muallifiga aylandi.

Qit’aning nufuzi borasida ikkinchi o‘rindagi klublar turnirining yarim finalida “Sevilya” “Yuventus” bilan to‘qnash keladi. “Roma” va “Bayer” Yevropa ligasi finaliga ikkinchi yo‘llanmani o‘ynaydi.