May-iyun oylarida U-20 Jahon chempionati bo‘lib o‘tadi. Musobaqa Indoneziyada o‘tkazilishi kerak edi, biroq mahalliy hokimiyat Isroil terma jamoasining musobaqaga kiritilishiga qarshi chiqdi. Natijada FIFA zudlik bilan turnirni Argentinaga ko‘chirdi.
Juma kuni yoshlar o‘rtasidagi Jahon chempionatiga qur’a tashlash marosimi bo‘lib o‘tdi. Uning natijalari quyida keltirilgan:
“A” guruhi: Argentina, O‘zbekiston, Gvatemala, Yangi Zelandiya.
"B" guruhi: AQSH, Ekvador, Fiji, Slovakiya.
"C" guruhi: Senegal, Yaponiya, Isroil, Kolumbiya.
"D" guruhi: Italiya, Braziliya, Nigeriya, Dominikan Respublikasi.
"E" guruhi: Urugvay, Iroq, Angliya, Tunis.
"F" guruhi: Fransiya, Janubiy Koreya, Gambiya, Gonduras.
Yoshlar jamoalari o‘rtasidagi amaldagi jahon chempioni Ukraina terma jamoasi hisoblanadi.
