"Sheffild Yunayted"ga qarshi o‘yinda xet-trik qayd etgan "Manchester Siti" vingeri Riyod Maxrez jurnalistlar bilan suhbatlashdi.

“Xet-trik juda yoqimli. O‘ylaymanki, bu uchrashuvda muvaffaqiyatga erishdim. Eng muhimi, finalgacha bo‘lgan yo‘l. Biz bu bosqichdan o‘ta olganimizdan xursandman, chunki avvalgi mavsumlarda biz unda to‘xtab qolgandik.

Gollarimdan qaysi biri eng yaxshi ekanini bilmayman. Biz uchun Angliya kubogi finaliga chiqish juda muhim edi. Bizda ajoyib jamoa bor va barcha turnirlarda oxirigacha kurashish niyatidamiz", dedi jazoirlik futbolchi.