«Manchester Siti» bosh murabbiyi Xosep Gvardiola jamoa yarim himoyachisi Jek Grilish haqida o‘z fikrlari bilan o‘rtoqlashdi.

Ispaniyalik murabbiy futbolchining yuqori professionalligini qayd etdi.

«Biz bazaga yetib keldik va Jek anchadan beri u yerda edi. U jamoaga kerak, tayyor bo‘lish uchun reabilitasiyada edi.

Oldingi klubida u uzoq vaqt haftasiga uchta o‘yin o‘tkazishga o‘rganmagandi. Grilish o‘z tanasi va imkoniyatlarini hammadan ko‘ra yaxshiroq biladi», - dedi ispaniyalik murabbiy.

27 yoshli yarim himoyachi joriy mavsumda APLda 24 ta o‘yinda maydonga tushib, 5 ta gol urdi va 6 ta golli uzatmani amalga oshirdi.