«Манчестер Сити» бош мураббийи Хосеп Гвардиола жамоа ярим ҳимоячиси Жек Грилиш ҳақида ўз фикрлари билан ўртоқлашди.
Испаниялик мураббий футболчининг юқори профессионаллигини қайд этди.
«Биз базага етиб келдик ва Жек анчадан бери у ерда эди. У жамоага керак, тайёр бўлиш учун реабилитацияда эди.
Олдинги клубида у узоқ вақт ҳафтасига учта ўйин ўтказишга ўрганмаганди. Грилиш ўз танаси ва имкониятларини ҳаммадан кўра яхшироқ билади», - деди испаниялик мураббий.
27 ёшли ярим ҳимоячи жорий мавсумда АПЛда 24 та ўйинда майдонга тушиб, 5 та гол урди ва 6 та голли узатмани амалга оширди.
