Kecha Italiya chempionatining 31-turi doirasida yana 2 ta o‘yin bo‘lib o‘tdi.

«Milan» o‘z maydonida «Lechche»ni qabul qilib, 2:0 hisobida g‘alaba qozondi. "Rossoneri"ning har ikki goli Rafael Leau hisobiga yozildi. Ushbu g‘alaba tufayli "Milan" o‘z ochkolarini 56ta yetkazdi hamda jadvalda 5-pog‘onani egallab turibdi.

Turinda bo‘lib o‘tgan "Yuventus" va "Napoli" jamoalari o‘rtasidagi markaziy bahsning so‘nggi daqiqalari "yondi". 82 va 90+2-daqiqalarda "Yuventus" tomonidan urilgan 2ta gol bekor qilindi. Dastlabki vaziyatda mezbonlar hujumning boshlang‘ich pallasida o‘yin qoidasini buzishgani aniqlangan bo‘lsa, ikkinchisida to‘p maydonni tark etganidan keyin Kyeza jarima maydoniga uzatma bergandi.

Ikkinchi bo‘limga qo‘shib berilgan 3-daqiqada esa Elmasning uzatmasidan keyin Jakomo Raspadori "Yuventus" darvozasini ishg‘ol qilib, "Napoli"ga g‘alab keltirdi.

Neapolliklar ushbu g‘alabadan so‘ng o‘z ochkolarini 78 taga yetkazib olishdi. Spalletti jamoasi qolgan 7ta o‘yinda 4 ochkoni qo‘lga kiritsa, Skudetto masalasini hal etadi.

Italiya A seriyasi, 31-tur
Milan – Lechche 2:0 (1:0, 1:0)
Gollar: 1:0 – 40 Rafael Leau, 2:0 – 74 Rafael Leau.
Milan – Menyan, Kalulu, Tomori, Tiav (Kyer, 59), Ernandes, Krunich, Braim Dias (de Ketelare, 78), Tonali (Bennaser, 60), Rebich, Rafael Leau (Origi, 79), Junior Messias (Salemakers, 59).
Lechche – Falkone, Jandre (Romanyoli, 79), Umtiti, Baskirotto, Gallo, Blen (Gonsales, 75), Yulmand, Banda (Male, 79), Di Franchesko (Espeto, 65), Uden, Sisey (Volkerling, 66).
Ogohlantirishlar: Tiav (27).

Yuventus – Napoli 0:1 (0:0, 0:1)
Gol: 0:1 – 90+3 Raspadori.
Yuventus – Shchensni, Rugani, Gatti, Danilo, Soule (Fadjoli, 66), Kostich (Kyeza, 61), Rabyo, Lokatelli, Miretti (Di Mariya, 61), Kuadrado, Milik (Vlaxovich, 90).
Napoli – Meret, Di Lorenso, Jezus, Kim Min Chje, Olivera, Lobotka (Rraxmani, 90), Zambo-Angissa, Ndombele (Zelinski, 68), Losano (Elmaz, 68), Kvarasxeliya (Raspadori, 86), Osimxen.
Ogohlantirishlar: Lokatelli (23), Rabyo (40), Fadjoli (85), Di Mariya (89), Zambo-Angissa (90).