Кеча Италия чемпионатининг 31-тури доирасида яна 2 та ўйин бўлиб ўтди.

«Милан» ўз майдонида «Лечче»ни қабул қилиб, 2:0 ҳисобида ғалаба қозонди. "Россонери"нинг ҳар икки голи Рафаэл Леау ҳисобига ёзилди. Ушбу ғалаба туфайли "Милан" ўз очколарини 56та етказди ҳамда жадвалда 5-поғонани эгаллаб турибди.

Туринда бўлиб ўтган "Ювентус" ва "Наполи" жамоалари ўртасидаги марказий баҳснинг сўнгги дақиқалари "ёнди". 82 ва 90+2-дақиқаларда "Ювентус" томонидан урилган 2та гол бекор қилинди. Дастлабки вазиятда мезбонлар ҳужумнинг бошланғич палласида ўйин қоидасини бузишгани аниқланган бўлса, иккинчисида тўп майдонни тарк этганидан кейин Кьеза жарима майдонига узатма берганди.

Иккинчи бўлимга қўшиб берилган 3-дақиқада эса Эльмаснинг узатмасидан кейин Жакомо Распадори "Ювентус" дарвозасини ишғол қилиб, "Наполи"га ғалаб келтирди.

Неаполликлар ушбу ғалабадан сўнг ўз очколарини 78 тага етказиб олишди. Спаллетти жамоаси қолган 7та ўйинда 4 очкони қўлга киритса, Скудетто масаласини ҳал этади.

Италия А серияси, 31-тур
Милан – Лечче 2:0 (1:0, 1:0)
Голлар: 1:0 – 40 Рафаэл Леау, 2:0 – 74 Рафаэл Леау.
Милан – Меньян, Калулу, Томори, Тиав (Кьер, 59), Эрнандес, Крунич, Браим Диас (де Кетеларе, 78), Тонали (Беннасер, 60), Ребич, Рафаэл Леау (Ориги, 79), Жуниор Мессиас (Салемакерс, 59).
Лечче – Фальконе, Жандре (Романьоли, 79), Умтити, Баскиротто, Галло, Блен (Гонсалес, 75), Юлманд, Банда (Мале, 79), Ди Франческо (Эспето, 65), Уден, Сисей (Волькерлинг, 66).
Огоҳлантиришлар: Тиав (27).

Ювентус – Наполи 0:1 (0:0, 0:1)
Гол: 0:1 – 90+3 Распадори.
Ювентус – Шченсни, Ругани, Гатти, Данило, Соуле (Фаджоли, 66), Костич (Кьеза, 61), Рабьо, Локателли, Миретти (Ди Мария, 61), Куадрадо, Милик (Влахович, 90).
Наполи – Мерет, Ди Лоренцо, Жезус, Ким Мин Чжэ, Оливера, Лоботка (Ррахмани, 90), Замбо-Ангисса, Ндомбеле (Зелиньски, 68), Лосано (Элмаз, 68), Кварацхелия (Распадори, 86), Осимхен.
Огоҳлантиришлар: Локателли (23), Рабьо (40), Фаджоли (85), Ди Мария (89), Замбо-Ангисса (90).