"Chelsi" klubi "Atletiko" hujumchisi Joau Feliksni yana ijaraga olmoqchi.

Evening Standard xabariga ko‘ra, "ko‘klar" hozirda 23 yoshli futbolchining tarkibdagi o‘rnini baholamoqda va yakuniy qaror qabul qilishdan oldin bo‘lajak murabbiy Maurisio Pochettinoning fikri muhim bo‘ladi.

Xabarlarga ko‘ra, "Chelsi" hali ham Feliksga doimiy shartnoma taklif qila oladi, ammo yozgi transferlar oynasi oldidan uning ijarasi bo‘yicha yana bir shartnoma ham ko‘rib chiqilmoqda.

Evening Standard nashrining ta’kidlashicha, taxminan 68 million funt (77 million yevro) "Atletiko"ni portugaliyalik bilan xayrlashishga ko‘ndirish uchun yetarli bo‘lishi mumkin.

Feliks “Chelsi” safida 15 ta o‘yin o‘tkazib, 2 ta gol urgan. Ijara shartnomasi 2023 yilning yoziga qadar amal qiladi. Transfermarkt ma’lumotlariga ko‘ra, hujumchining narxi 50 million yevroni tashkil qiladi.