Kecha yakuniga yetgan Superligasi 7-turi doirasida Farg‘onada o‘tkazilgan «Andijon» hamda «Metallurg» jamoalari o‘rtasidagi bahsni Husan Muzaffarov boshchiligidagi hakamlar jamoasi boshqardi.

Shu tariqa, 1997 yilda tug‘ilgan referi chempionatimizning joriy mavsumida ishlagan eng yosh hakamiga aylandi.

Ma’lumot uchun, Superliganing ortda qolgan 49 uchrashuvini jami 16 ta hakam boshqardi va ularning 7 nafari 30 yoshga yetmagan arbitrlar hisoblanadi. Ulardan 4 nafari esa allaqachon FIFA referisi maqomiga erishgan.