Pep Gvardiola "Arsenal"ga qarshi o‘yindan oldingi fikrlari bilan o‘rtoqlashdi.

"Men bir necha hafta oldin aytgandim: mavsum oxiriga kelib, agar yutqazsak, hammasi tugadi.

Oktyabr, noyabr oylarida shunday vaziyatga tushib qolganingizda, bu tuyg‘uni boshdan kechirmaysiz. Ayniqsa, ketma-ket ikki marta Premyer-liga chempionligidan keyin.

Premyer-ligadagi ilk mavsumimizda biz mavsumni har bir o‘yin finaldek boshladik. Har bir uchrashuv final edi. Men buni juda yaxshi eslayman.

Hozir esa "Arsenal"ni chetdan kuzatar ekanmiz, har bir o‘yin ular uchun finaldek tuyuladi. Biz uchun Premyer-ligada ikkita chempionlikdan so‘ng mavsum boshida har bir o‘yin final bo‘lmagan.

Ammo hozir, ayniqsa, so‘nggi oylarda, Chempionlar Ligasi, Angliya Kubogi, Premyer-ligada o‘ynaganimizda, mavsum yakuni yaqinlashayotganini ko‘ramiz.

Biz nima uchun o‘ynayotganimizni tushunamiz. Hozir hammasi o‘z qo‘limizda. Albatta, "Arsenal"ning ham qo‘lida. Agar g‘alaba qozonishsa, hammasi ularga bog‘liq. Agar g‘alaba qozonsak, hammasi o‘zimizga bog‘liq. Ammo oldinda yettita o‘yin bor.

Bu uchrashuv muhim, ammo hal qiluvchi emas. Chunki oldinda hali ko‘p qiyin uchrashuvlar kutib turibdi. Lekin biz bu o‘yinning ahamiyatini inkor etmaymiz", - dedi “Manchester Siti” bosh murabbiyi.