"Barselona" braziliyalik yarim himoyachi Rafinyani qaysi narxga sotishga tayyorligi borasida bir qarorga keldi, deya xabar beradi jurnalist Xavi Migel.

Manbaga ko‘ra, agar taklif qilingan summa 90 million yevrodan kam bo‘lsa, "Barselona" Rafinyani sotmaydi. Avvalroq yarim himoyachining xizmatlariga "Arsenal" qiziqayotgani haqida xabarlar tarqalgan edi.

26 yoshli braziliyalik futbolchi o‘tgan yozdan beri kataloniyaliklar safida to‘p surmoqda. Joriy mavsumda u barcha turnirlarda 42 ta o‘yinda maydonga tushib, 9 ta gol urdi va 10 ta golli uzatmani amalga oshirdi.