Madridning "Real" klubi bosh murabbiyi Karlo Anchelotti yaqin orada kelajagi borasida bir qarorga kelishi kerak.

Mutaxassisning o‘zi ham matbuot anjumanlarida bo‘lajak mavsumni "Real Madrid"da o‘tkazish niyatida ekanligini bir necha bor ta’kidlagan. Shu bilan birga, Madrid Xtra nashrining xabariga ko‘ra, italiyalik murabbiy Braziliya terma jamoasini boshqarish taklifini hozircha rad etmagan, biroq u ham bunga rozi bo‘lmagan. Braziliya futbol federasiyasi ustozga ultimatum qo‘ydi - Anchelotti yakuniy javobni 25 maydan kechiktirmay berishi kerak.

Karlo Anchelottining "Real" bilan shartnomasi 2023/24 yilgi mavsum oxirigacha amal qiladi.