Chorshanba oqshomida barchaning e’tibori “Etihad”ga qaratiladi, u yerda Premyer-liga chempionligiga da’vogarlar to‘qnash keladi. Mavsumning asosiy o‘yini oldidan “Arsenal” raqib “Siti”ni 5 ochkoga ortda qoldirib, jadvalning birinchi pog‘onasini egallab turibdi. Ammo "shaharliklar"ning zaxirasida ikkita o‘yin bor. Keling, uchrashuv oldidan jamolardagi vaziyat qanday ekanligini ko‘rib chiqamiz.
“Manchester Siti”
"Manchester Siti" ajoyib o‘yin ko‘rsatmoqda va ayniqsa, o‘z uyida yaxshi
“Shaharliklar” ushbu mavsumda uchta mumkin bo‘lgan unvonlar sari o‘zlarining sayohatini fevral oyining boshida boshladilar. O‘shandan beri "Siti" 16 uchrashuvda maydonga tushib, 13 tasida g‘alaba qozongan va 3 tasida durang qayd etgan. Bu seriya Londonda "Arsenal" ustidan qozonilgan g‘alaba va Chempionlar ligasining yarim finaliga chiqish, shuningdek, Angliya kubogi finaliga yo‘llanmani o‘z ichiga olgan. Bu yil ular "Etihad"dagi 12 o‘yinning barchasida g‘alaba qozonishdi va 46 ta gol urishdi. "Siti" Premyer-liganing so‘zsiz eng yaxshi uy jamoasi bo‘lib, 15 uy o‘yinining 13 tasida g‘alaba qozongan.
Joriy mag‘lubiyatsiz seriyada butun Yevropadagi mavsumning eng yaxshi to‘purari Erling Xoland ham o‘zini yaxshi ko‘rsatdi. Norvegiyalik hujumchi 16 o‘yinda 17+3 natija qayd etdi va o‘tgan dam olish kunlari Angliya kubogi yarim finali oldidan ketma-ket yettita gol urdi.
Akening o‘yinda ishtirok etishi so‘roq ostida: Gvardiolada himoyani usiz qurish uchun ikkita variant bor
Natan Ake Chempionlar ligasi doirasida "Bavariya"ga qarshi javob o‘yinida jarohat oldi va Angliya kubogi yarim finalini o‘tkazib yubordi. Agar Ake "Arsenal"ga qarshi o‘ynashga tayyor bo‘lmasa, Gvardiola boshqacha himoyaviy tuzilmani tanlashi kerak.
"Sheffild" bilan o‘yinda Gvardiola to‘rtta himoyachi bilan o‘ynashga qaror qildi, ammo "Arsenal" bilan qarama-qarshilik boshqa saviyada bo‘ladi. Agar ispaniyalik xuddi shu sxema bo‘yicha o‘ynashga qaror qilsa, unda Diash va Akanjini markazga qo‘yadi. Qanotlarda Uoker va Jon Stons o‘ynashi mumkin.
“Arsenal”
"Arsenal" ketma-ket uchta o‘yinda ochko yo‘qotdi
Uch hafta oldin "Arsenal" turnir jadvalida o‘zini juda qulay his qilardi. Artetaning vazifasi jamoani "Siti"ga qarshi o‘yingacha yaxshi tayyorlash va ochkolar bo‘yicha peshqadamlikni saqlab qolish edi, shunda hatto ehtimoliy mag‘lubiyat ham "kanonirlar"ni yuqori pog‘onada qoldirishi va chempionlik uchun eng yaxshi imkoniyatga ega bo‘lishi mumkin edi. Ammo so‘nggi uchta o‘yin muxlislarni hayratda qoldirdi.
Salibaning yo‘qligi asosiy muammo bo‘lishi mumkin, Jakaning ishtiroki ham so‘roq ostida
Mart oyida "Arsenal" hali Yevropa ligasida ishtirok etar edi. Yigirma yil davomida Premyer-ligada g‘olib chiqmagan jamoa o‘zini ushbu turnirga bag‘ishlaganini ko‘rish biroz hayratlanarli bo‘ldi. Natijada “Sporting”ga qarshi o‘yinda Arteta o‘zining asosiy himoyachisi Uilyam Salibadan ayrildi. Fransiyalik futbolchi belidagi jarohatdan forig‘ bo‘lsa ham, mashg‘ulot o‘tkaza olmayapti. Natijada, Salibasiz “Arsenal” doimiy ravishda gol o‘tkazib yubora boshladi: oltita o‘yinda raqiblar “kanonirlar”ni o‘n marta xafa qilishdi. Ko‘p jihatdan aynan himoyadagi xatolar “Arsenal”ning barcha ustunliklarini yo‘qotishida asosiy omil bo‘ldi. Granit Jaka ham "Siti"ga qarshi o‘yinga tayyor bo‘lmasligi mumkin.
Tahminiy tarkiblar
So‘nggi yillardagi eng yaxshi o‘yinni "Siti" o‘z uyida "Bavariya" bilan o‘ynadi, shundan so‘ng Gvardiola ko‘pincha rotasiyasidan foydalandi. O‘sha uchrashuvda jamoa 3-2-4-1 sxemasidan foydalanildi. Bugun ham shunday bo‘lish ehtimoli bor. Ammo Gvardiolada, Natan Ake o‘yinga tayyor bo‘lmasa, to‘rtta himoyachi varianti ham bor.
Mikel Arteta o‘zining sevimli 4-3-3 sxemasidan farqli narsani o‘ylab topmasa kerak. Katta ehtimol bilan Xolding Saliba o‘rnida paydo bo‘ladi. Agar Jaka tiklanishga ulgurmasa, Jorgino uning o‘rnini egallaydi.
