Ayni damda Londonning “Chelsi” klubida ijarada o‘ynayotgan “Atletiko Madrid” hujumchisi Joau Feliks joriy mavsum oxirida ispan klubiga qaytmaydi. Bu haqda Sun Sport xabar bermoqda.
Manbaga ko‘ra, 23 yoshli portugaliyalik futbolchi "Chelsi"dagi ijara muddatini uzaytirmoqchi.
Oldinroq "ko‘klar"ning yangi ehtimoliy bosh murabbiyi Maurisio Pochettino klub rahbariyatidan Feliksni doimiy ravishda jamoada olib qolishni so‘ragani xabar qilingandi.
Feliks joriy mavsum “Chelsi” safida 16 ta o‘yinda maydonga tushib, 2 ta gol urishga erishdi. Transfermarkt Portugaliya terma jamoasi futbolchisini 50 million yevroga baholamoqda.
APLning 32-turidan so‘ng londonliklar 39 ochko bilan turnir jadvalida 11-o‘rinda bormoqda.
