Angliya, Ispaniya, Italiya va Germaniyada ligada dastlabki to‘rtta jamoa to‘g‘ridan-to‘g‘ri Chempionlar ligasi guruh bosqichiga yo‘llanma oladi. Ammo Italiyada chempionatning dastlabki uch jamoasigina Yevropaning asosiy klub turniriga yo‘llanma olishi mumkin. A Seriyadagi to‘rtinchi jamoa Chempionlar Ligasidagi o‘rnini yo‘qotishi uchun bir vaqtning o‘zida bir nechta hodisalar mos kelishi kerak bo‘ladi.

Hozirda "Inter" va "Milan" chempionlar ligasida kurashni davom ettirmoqda. Bu jamoalardan biri ,albatta, turnir finalida ishtirok etadi. Yevropa ligasining yarim finalida finalda o‘zaro to‘qnash kelishi mumkin bo‘lgan “Yuventus” va “Roma” o‘ynamoqda. Har ikki turnir g‘olibi UEFA qoidalariga ko‘ra, Chempionlar ligasining keyingi mavsumiga kafolatlangan yo‘llanmani oladi. Shu bilan birga, ushbu turnirda bir mamlakatdan ko‘pi bilan beshta jamoa ishtirok etishi mumkin bo‘lgan qoida mavjud.

Ma’lum bo‘lishicha, agar Chempionlar ligasi va Yevropa Ligasini A Seriyaning kuchli to‘rtligiga kira olmagan Italiya jamoalarini yutsa, to‘rtinchi o‘rinni egallagan jamoa Yevropa ligasi yo‘llanmasi bilan kifoyalanishi kerak bo‘ladi. Hozir Italiya chempionatida shunday zichlik borki, ikkinchidan to yettinchi o‘rinni kim egallashini umuman bashorat qilib bo‘lmaydi.

A Seriya turnir jadvali

Masalan, ligadagi jamoalarning hozirgi holatini olsak. “Roma” beshinchi, “Inter” esa oltinchi o‘rinni egallab turibdi. Agar hammasi o‘z joyida qolsa va bu ikki klub Yevropa Ligasi va Chempionlar Ligasida g‘alaba qozonsa, chempionatda to‘rtinchi bo‘lgan jamoa nufuzli musobaqadan umidini uzadi.