Англия, Испания, Италия ва Германияда лигада дастлабки тўртта жамоа тўғридан-тўғри Чемпионлар лигаси гуруҳ босқичига йўлланма олади. Аммо Италияда чемпионатнинг дастлабки уч жамоасигина Европанинг асосий клуб турнирига йўлланма олиши мумкин. А Сериядаги тўртинчи жамоа Чемпионлар Лигасидаги ўрнини йўқотиши учун бир вақтнинг ўзида бир нечта ҳодисалар мос келиши керак бўлади.
Ҳозирда "Интер" ва "Милан" чемпионлар лигасида курашни давом эттирмоқда. Бу жамоалардан бири ,албатта, турнир финалида иштирок этади. Европа лигасининг ярим финалида финалда ўзаро тўқнаш келиши мумкин бўлган “Ювентус” ва “Рома” ўйнамоқда. Ҳар икки турнир ғолиби УEФА қоидаларига кўра, Чемпионлар лигасининг кейинги мавсумига кафолатланган йўлланмани олади. Шу билан бирга, ушбу турнирда бир мамлакатдан кўпи билан бешта жамоа иштирок этиши мумкин бўлган қоида мавжуд.
Маълум бўлишича, агар Чемпионлар лигаси ва Европа Лигасини А Сериянинг кучли тўртлигига кира олмаган Италия жамоаларини ютса, тўртинчи ўринни эгаллаган жамоа Европа лигаси йўлланмаси билан кифояланиши керак бўлади. Ҳозир Италия чемпионатида шундай зичлик борки, иккинчидан то еттинчи ўринни ким эгаллашини умуман башорат қилиб бўлмайди.
А Серия турнир жадвали
Масалан, лигадаги жамоаларнинг ҳозирги ҳолатини олсак. “Рома” бешинчи, “Интер” эса олтинчи ўринни эгаллаб турибди. Агар ҳаммаси ўз жойида қолса ва бу икки клуб Европа Лигаси ва Чемпионлар Лигасида ғалаба қозонса, чемпионатда тўртинчи бўлган жамоа нуфузли мусобақадан умидини узади.
