"Vest Xem" bosh murabbiyi Devid Moyes yarim himoyachi Lukas Paketa haqida o‘z fikrlarini bildirib o‘tdi.
O‘tgan yozda braziliyalik futbolchi "bolg‘achilar" tarixidagi eng qimmat transferga aylandi va "Lion"dan deyarli 43 million yevroga sotib olindi. 25 yoshli futbolchi so‘nggi uchta o‘yinning har birida, jumladan, “Liverpul”ga qarshi o‘yinda ham gol urgan.
"O‘ylashimcha, u Premyer-ligaga ko‘nikishni boshladi - bu yerga joylashish uchun doim vaqt kerak. So‘nggi o‘yinlarda u gol ura boshlaganidan juda xursandman, bu esa jamoaga katta yordam berdi. Biroq, menimcha, u bundan ham ko‘proq yutuqlarga erisha oladi", - deya shotlandiyalik murabbiyning so‘zlarini keltiradi Sky Sports.
