"Вест Хэм" бош мураббийи Дэвид Мойес ярим ҳимоячи Лукас Пакета ҳақида ўз фикрларини билдириб ўтди.

Ўтган ёзда бразилиялик футболчи "болғачилар" тарихидаги энг қиммат трансферга айланди ва "Лион"дан деярли 43 миллион еврога сотиб олинди. 25 ёшли футболчи сўнгги учта ўйиннинг ҳар бирида, жумладан, “Ливерпуль”га қарши ўйинда ҳам гол урган.

"Ўйлашимча, у Премьер-лигага кўникишни бошлади - бу ерга жойлашиш учун доим вақт керак. Сўнгги ўйинларда у гол ура бошлаганидан жуда хурсандман, бу эса жамоага катта ёрдам берди. Бироқ, менимча, у бундан ҳам кўпроқ ютуқларга эриша олади", - дея шотландиялик мураббийнинг сўзларини келтиради Sky Sports.