"Chelsi" yarim himoyachisi N'Golo Kante faoliyatini "Arsenal"da davom ettirishi mumkin.
Avvalroq, fransiyalik futbolchining Londonning bir klubidan boshqasiga o‘tishi mumkinligi haqida Ispaniya manbalari xabar bergan bo‘lsa, endilikda bu ma’lumot Angliyada ham tasdiqlandi. Mirror xabariga ko‘ra, "Arsenal" haqiqatan ham "Chelsi" bilan muddati tugaydigan shartnomasini uzaytirmagan yarim himoyachini o‘z safiga jalb qilishni rejalashtirmoqda. Yanvar oyida "ko‘klar"ning yana bir yarim himoyachisi Jorjinyo "kanonirlar" safiga o‘tgandi.
Joriy mavsumning ko‘p qismini N'Golo Kante jarohati tufayli o‘tkazib yubordi. U mavsum boshidan beri barcha turnirlarda bor yo‘g‘i yettita o‘yin o‘tkazgan.
