"Челси" ярим ҳимоячиси Н'Голо Канте фаолиятини "Арсенал"да давом эттириши мумкин.
Аввалроқ, франциялик футболчининг Лондоннинг бир клубидан бошқасига ўтиши мумкинлиги ҳақида Испания манбалари хабар берган бўлса, эндиликда бу маълумот Англияда ҳам тасдиқланди. Mirror хабарига кўра, "Арсенал" ҳақиқатан ҳам "Челси" билан муддати тугайдиган шартномасини узайтирмаган ярим ҳимоячини ўз сафига жалб қилишни режалаштирмоқда. Январь ойида "кўклар"нинг яна бир ярим ҳимоячиси Жоржиньо "канонирлар" сафига ўтганди.
Жорий мавсумнинг кўп қисмини Н'Голо Канте жароҳати туфайли ўтказиб юборди. У мавсум бошидан бери барча турнирларда бор йўғи еттита ўйин ўтказган.
