“Chelsi”ga qarshi javob o‘yinidan so‘ng shifokorlar David Alabaga o‘ng boldiridagi mayda mushak yorilishi tashxisini qo‘yishdi. Avstriyalik futbolchi ikki haftaga safda bo‘lishi bashorat qilingan edi - va Madrid tibbiyot xodimlari adashmaganga o‘xshaydi.
Shanba kuni "Real Madrid" Alaba holati haqida ijobiy ma’lumot oldi. Himoyachining to‘liq sog‘ayib ketgani haqida murabbiylar shtabi xabardor qilingan, deb xabar bermoqda Marca.
Endi u "Osasuna"ga qarshi Ispaniya kubogi finalida (6 may) va Chempionlar ligasi yarim finalida "Man Siti"ga qarshi o‘yinda qatnashishi aniq.
30 yoshli himoyachi joriy mavsumda 34 ta o‘yinda maydonga tushdi.
