"Real Madrid" Chempionlar ligasi finalidan so‘ng Jud Bellingem bilan shartnoma imzolaganini e’lon qilmoqchi.
Cadena SER xabariga ko‘ra, yanvar oyidan beri "Real Madrid" futbolchiga yaqin odamlar bilan o‘ndan ortiq marta muloqot qilgan. "Borussiya" bu aloqalardan xabardor. Madridliklar Bellingem atrofidagilarga klub loyihasini taqdim etdi va shartnomaning mumkin bo‘lgan shartlari haqida gapirdi. Bundan tashqari, Jud atrofidagilar Valdebebasdagi "Real Madrid" bazasiga tashrif buyurishdi va Madrid vakillari bilan tushlik qilishdi.
"Real Madrid" may oyida Bellingem bilan shartnomani yopmoqchi, biroq futbolchi transferini jamoa o‘ynashi mumkin bo‘lgan Chempionlar ligasi finaligacha e’lon qilmaydi. Shu tariqa, madridliklar turnir finaliga chiqqan taqdirda, transfer iyun oyi o‘rtalariga yaqinroq e’lon qilinadi.
Bellingemga uzoq muddatli - 5-6 yil muddatga shartnoma taklif qilishmoqda. U jamoadagi eng katta maoshlardan biriga ega bo‘ladi, bu Tibo Kurtua va Vinisius Juniornikidan biroz pastroq.
Bellingem uchun kurashda "Real"dan tashqari faqat "Manchester Siti" qolgan. U bilan nafaqat klub vakillari, balki Pep Gvardiola ham gaplashgan.
Hozirda hammasi Bellingemning qo‘lida, "Borussiya" uni yana bir yil saqlab qolishga harakat qilmoqda. Aprel oyida u yana Dortmund vakillari bilan yangi shartnoma borasida uchrashishdan bosh tortdi.
Oldinroq Jud "Real"ga o‘tishga qaror qilgani haqida xabarlar tarqalgan edi. Endi madridliklar "Borussiya" bilan muzokaralarni boshlaydi - 120 million yevrodan ortiq pul berilmaydi.
Joriy mavsumda 19 yoshli yarim himoyachi klub safida 39 o‘yinda maydonga tushib, 11 gol va 6 golga assistentlik qilgan.
