Yozgi transfer oynasida tarixdagi eng qimmat futbolchi bo‘lib qolayotgan Neymar «PSJ»ni tark etishi mumkin. 31 yoshli braziliyalikning Angliya premyer-ligasida ishtirok etish ehtimoli bor.

Fichajesning ma’lum qilishicha, Neymarda Tumanli Albionda uchta variant bor. Demak, forvardga «Manchester Yunayted», «Manchester Siti» va «Chelsi» klublari qiziqish bildirmoqda.

«PSJ» uzoq vaqtdan beri matbuotda yozilayotgan Neymarni sotish qaroriga ochiq munosabatda bo‘lgan.

Liga 1 grandi uchun maoshni qisqartirish muhim, braziliyalik esa jamoadagi eng yuqori maosh oluvchi futbolchilardan biri hisoblanadi.

Eslatib o‘tamiz, 2017 yilda «PSJ» Neymar uchun «Barselona»ga aql bovar qilmaydigan 222 million yevro to‘lagan edi.