«Manchester Siti» bosh murabbiyi Xosep Gvardiola Angliya premyer-ligasining 34-turida «Fulxem» ustidan qozonilgan g‘alaba (2:1) haqida gapirdi.
Mutaxassisning ta’kidlashicha, o‘yin oxirgi daqiqalargacha keskin o‘tdi, ammo bundan boshqachasini kutmaslik kerak edi.
«O‘tkazib yuborilgan golga yaxshi javob qaytardik. Biz yaxshi o‘ynadik, o‘sishda davom etdik. Bizga oson bo‘lmadi, chunki raqib himoyada o‘zini yaxshi ko‘rsatdi, jarima maydonchasida bu juda qiyin bo‘ldi», - deya Gvardiolaning so‘zlarini keltiradi BBC.
«Shaharliklar» Londonning «Arsenal» jamoasini bir ochkoga ortda qoldirib, ayni paytda turnir jadvalida peshqadamlik qilmoqda.
«Manchester Siti» 3 may kuni «Vest Xem»ga qarshi bahs olib boradi.
