Angliya chempionatining 34-turi doirasida «Liverpul» o‘z uyida «Tottenxem»ni qabul qildi.

Uchrashuvning dastlabki 15 daqiqasi ichida mezbonlar "shporlar" darvozasiga naq 3ta gol urishdi! Bahsning 3 va 5-daqiqalarida Jons va Dias ikkita gol urishgan bo‘lsa, 15-daqiqada Saloh penaltidan hisobni yirik ko‘rinishga keltirdi. Natijada o‘yin taqdiri hal bo‘lgandek edi. Ammo...

"Tottenxem" asta-sekin o‘ziga kela boshladi va 39-daqiqada Keyn bitta javob to‘pini kiritdi. Haqiqiy drama esa uchrashuv so‘ngida boshladi.

77-daqiqada Son Xyong Min, 90+3-daqiqada esa Risharlison "Liverpul" darvozasiga yo‘l topib, hisobni 3:3 ko‘rinishiga keltirib qo‘yishdi. Ammo 90+5-daqiqada Diogu Jota "Liverpul" to‘rtinchi goliga mualliflik qildi va hisob 4:3 ko‘rinishiga keldi!

Ushbu g‘alaba tufayli "Liverpul" o‘z ochkolarini 56 taga yetkazib, jadvalda 2 pog‘ona ko‘tarildi va 5-o‘ringa chiqib oldi. "Tottenxem" esa 54 ochko bilan 6-qatorga tushdi.

APL, 34-tur
Liverpul – Tottenxem 4:3 (3:1)
Gollar: 1:0 – 3 Jons, 2:0 – 5 Dias, 3:0 – 15, penalti Saloh, 3:1 – 39 Keyn, 3:2 – 77 Son Xin Min, 3:3 – 90+3 Risharlison, 4:3 – 90+5 Diogu Jota.
Liverpul – Alisson, Aleksander-Arnold, van Deyk, Konate, Robertson, Fabinyo, Jons (Milner, 86), Elliott (Xenderson, 63), Saloh, Dias (Diogu Jota, 63), Gakpo (Nunyes, 73).
Tottenxem – Forster, Porro (Lukas Moura, 90), Dayer, Devis, Romero, Perishich (Danjuma, 90), Xeybyerg, Kulusevski (Sarr, 66), Skipp (Risharlison, 84), Son Xin Min, Keyn.
Ogohlantirishlar: Son Xyong Min (52), Konate (70), Diogu Jota (81), Milner (90), Risharlison (90).