Англия чемпионатининг 34-тури доирасида «Ливерпуль» ўз уйида «Тоттенхэм»ни қабул қилди.

Учрашувнинг дастлабки 15 дақиқаси ичида мезбонлар "шпорлар" дарвозасига нақ 3та гол уришди! Баҳснинг 3 ва 5-дақиқаларида Жонс ва Диас иккита гол уришган бўлса, 15-дақиқада Салоҳ пенальтидан ҳисобни йирик кўринишга келтирди. Натижада ўйин тақдири ҳал бўлгандек эди. Аммо...

"Тоттенхэм" аста-секин ўзига кела бошлади ва 39-дақиқада Кейн битта жавоб тўпини киритди. Ҳақиқий драма эса учрашув сўнгида бошлади.

77-дақиқада Сон Хёнг Мин, 90+3-дақиқада эса Ришарлисон "Ливерпуль" дарвозасига йўл топиб, ҳисобни 3:3 кўринишига келтириб қўйишди. Аммо 90+5-дақиқада Диогу Жота "Ливерпуль" тўртинчи голига муаллифлик қилди ва ҳисоб 4:3 кўринишига келди!

Ушбу ғалаба туфайли "Ливерпуль" ўз очколарини 56 тага етказиб, жадвалда 2 поғона кўтарилди ва 5-ўринга чиқиб олди. "Тоттенхэм" эса 54 очко билан 6-қаторга тушди.

АПЛ, 34-тур
Ливерпуль – Тоттенхэм 4:3 (3:1)
Голлар: 1:0 – 3 Жонс, 2:0 – 5 Диас, 3:0 – 15, пенальти Салоҳ, 3:1 – 39 Кейн, 3:2 – 77 Сон Хын Мин, 3:3 – 90+3 Ришарлисон, 4:3 – 90+5 Диогу Жота.
Ливерпуль – Алиссон, Александер-Арнолд, ван Дейк, Конате, Робертсон, Фабиньо, Жонс (Милнер, 86), Эллиотт (Хендерсон, 63), Салоҳ, Диас (Диогу Жота, 63), Гакпо (Нуньес, 73).
Тоттенхэм – Форстер, Порро (Лукас Моура, 90), Дайер, Дэвис, Ромеро, Перишич (Данжума, 90), Хейбьерг, Кулусевски (Сарр, 66), Скипп (Ришарлисон, 84), Сон Хын Мин, Кейн.
Огоҳлантиришлар: Сон Хёнг Мин (52), Конате (70), Диогу Жота (81), Милнер (90), Ришарлисон (90).