«Bavariya» bosh murabbiyi Tomas Tuxel Germaniya chempionati doirasidagi «Gerta»ga qarshi o‘yindan so‘ng OAV vakillari bilan suhbatlashdi.

Myunxenliklar 2:0 hisobida g‘alabani tantana qilishdi.

«Biz uchun diqqat markazida bo‘lish muhim edi. Birinchi bo‘lib gol urish muhim edi. Keyin ikkinchi to‘p ham bo‘ldi va g‘alaba osonlashdi.

Har bir jamoa a’zosi muvaffaqiyatga erishmoqchi. «Bavariya» jamoa bo‘lib o‘sishi kerak, buni hamma juda yaxshi tushunadi», - dedi mutaxassis.

Germaniya chempionatining 30-turi yakunlariga ko‘ra, «Bavariya» 62 ochko jamg‘arib, turnir jadvalida birinchi o‘rinni egallab turibdi.