«Бавария» бош мураббийи Томас Тухель Германия чемпионати доирасидаги «Герта»га қарши ўйиндан сўнг ОАВ вакиллари билан суҳбатлашди.
Мюнхенликлар 2:0 ҳисобида ғалабани тантана қилишди.
«Биз учун диққат марказида бўлиш муҳим эди. Биринчи бўлиб гол уриш муҳим эди. Кейин иккинчи тўп ҳам бўлди ва ғалаба осонлашди.
Ҳар бир жамоа аъзоси муваффақиятга эришмоқчи. «Бавария» жамоа бўлиб ўсиши керак, буни ҳамма жуда яхши тушунади», - деди мутахассис.
Германия чемпионатининг 30-тури якунларига кўра, «Бавария» 62 очко жамғариб, турнир жадвалида биринчи ўринни эгаллаб турибди.
