Kilian Mbappening goli parijliklarga «Loryan» bilan o‘yinda (1:3) mag‘lubiyatdan qutulib qolishga yordam bermadi.

Parijliklar uchun Liga 1ning yakshanba kuni bo‘lib o‘tgan uchrashuvida boshidanoq hammasi noto‘g‘ri ketdi: 15-daqiqadayoq mehmonlar hisobni ochishdi, yana besh daqiqadan so‘ng Ashraf Hakimi qizil kartochka oldi.

Ko‘p o‘tmay Mbappening aniq zarbasi Kristof Galtye jamoasiga qaytishga imkon berdi, biroq raqib yana ikki bor gol urdi.

Statistik ma’lumotlarga ko‘ra, «PSJ» birinchi marta o‘z uyida Kilian Mbappe jamoa uchun gol urgan bahsda mag‘lub bo‘ldi.

Parijliklar omadsizlikka qaramay, 33-turdan keyin 75 ochko bilan Liga 1 turnir jadvalida peshqadamlik qilishda davom etmoqda. Ikkinchi o‘rinda borayotgan «Marsel» hisobida 70 ochko bor.