Килиан Мбаппенинг голи парижликларга «Лорьян» билан ўйинда (1:3) мағлубиятдан қутулиб қолишга ёрдам бермади.

Парижликлар учун Лига 1нинг якшанба куни бўлиб ўтган учрашувида бошиданоқ ҳаммаси нотўғри кетди: 15-дақиқадаёқ меҳмонлар ҳисобни очишди, яна беш дақиқадан сўнг Ашраф Ҳакими қизил карточка олди.

Кўп ўтмай Мбаппенинг аниқ зарбаси Кристоф Галтье жамоасига қайтишга имкон берди, бироқ рақиб яна икки бор гол урди.

Статистик маълумотларга кўра, «ПСЖ» биринчи марта ўз уйида Килиан Мбаппе жамоа учун гол урган баҳсда мағлуб бўлди.

Парижликлар омадсизликка қарамай, 33-турдан кейин 75 очко билан Лига 1 турнир жадвалида пешқадамлик қилишда давом этмоқда. Иккинчи ўринда бораётган «Марсель» ҳисобида 70 очко бор.