«Barselona» bosh murabbiyi Xavi Ernandes «Atletiko» vingeri Yannik Karraskoni o‘z jamoasiga o‘tishini istamoqda.

O‘tgan haftada OAVda Ferranning belgiyalik futbolchiga almashishi mumkinligi haqidagi ma’lumotlar paydo bo‘ldi.

Qayd etilishicha, «Barselona»da Karraskoni sotib olish uchun zarur mablag‘ yo‘q, shu munosabat bilan Kataloniya klubi Torresni kelishuvga qo‘shishga tayyor.

Jurnalist Pablo Pintoning so‘zlariga ko‘ra, Xavi bunday harakatni ma’qullaydi - u «matraschilar»ning 29 yoshli o‘yinchisi qobiliyatini yuqori baholaydi.

Ferran Torres 30 million yevroga, Yannik Karrasko esa 25 million yevroga baholangan.