Italiyaning "Spesiya" klubi safida mavsum yakuniga qadar ijarada harakat qilayotgan hamyurtimiz Eldor Shomurodov yozda Turkiya chempionatiga yo‘l olishi mumkin.
Turkiya OAVlarida yozilishicha, "Trabzonspor" mavsum oxirida "Roma"ga Shomurodovni sotib olish huquqi bilan ijaraga olish taklifini yuboradi.
27 yoshli Shomurodov Italiya chempionatida bu mavsum 17 ta o‘yinda 1 ta gol urdi. Yana uning hisobida 1 ta sariq kartochka bor. Eldorning "Roma" bilan amaldagi kelishuvi 2027 yilgacha tuzilgan.













