"Arsenal" bosh murabbiyi Mikel Arteta jamoaning joriy mavsumdagi o‘yinini yuqori baholadi.
"Ko‘p odamlar bizni bugungi holatimizga yetkazish uchun ajoyib ishlarni amalga oshirdilar. Yakunga olti o‘yin qoldi, biz allaqachon Chempionlar ligasiga yo‘llanma oldik. Bu klubda o‘n yildan ortiq vaqtdan beri bunday holat bo‘lmagan. Biz ligadagi eng yosh jamoamiz. “Manchester Siti”dan uchralgan mag‘lubiyatdan hanuz xafamiz va buni qabul qilmayapmiz. Biz ko‘proq narsani xohlaymiz", - deya Artetadan iqtibos keltiradi Sky Sports.
Mavsumning asosiy qismida Angliya Premyer-ligasida peshqadamlik qilgan “Arsenal” bir o‘yin kam o‘tkazgan “Manchester Siti”dan bir ochko ortda qolib, ikkinchi o‘rinda bormoqda.
