«Manchester Yunayted»ning sobiq himoyachisi Rio Ferdinand fransiyalik hujumchi Karim Benzemaning «qizil iblislar» lageriga bir vaqtlar o‘tishi mumkinligi haqida gapirdi.
«Menga Benzema juda yoqadi. U hali «Lion» futbolchisi bo‘lganida men unga qarshi o‘ynaganman. O‘shanda Karim juda ta’sirlantirgan edi.
«Manchester Yunayted» uni o‘z safiga qo‘shib olmoqchi edi, biroq Benzemaning qaroriga uni «Real»ga o‘tishga ko‘ndirgan Zinedin Zidan ta’sir ko‘rsatdi», dedi Ferdinand.
Eslatib o‘tamiz, Benzema 2009 yildan beri «qirollik» klubi sharafini himoya qilib kelmoqda. Madridliklar tarkibida u «Oltin to‘p» sohibiga aylandi.
35 yoshli futbolchining «qaymoqranglilar» bilan mehnat shartnomasi joriy mavsum oxirigacha hisoblangan.
