«Манчестер Юнайтед»нинг собиқ ҳимоячиси Рио Фердинанд франциялик ҳужумчи Карим Бенземанинг «қизил иблислар» лагерига бир вақтлар ўтиши мумкинлиги ҳақида гапирди.
«Менга Бензема жуда ёқади. У ҳали «Лион» футболчиси бўлганида мен унга қарши ўйнаганман. Ўшанда Карим жуда таъсирлантирган эди.
«Манчестер Юнайтед» уни ўз сафига қўшиб олмоқчи эди, бироқ Бенземанинг қарорига уни «Реал»га ўтишга кўндирган Зинедин Зидан таъсир кўрсатди», деди Фердинанд.
Эслатиб ўтамиз, Бензема 2009 йилдан бери «қироллик» клуби шарафини ҳимоя қилиб келмоқда. Мадридликлар таркибида у «Олтин тўп» соҳибига айланди.
35 ёшли футболчининг «қаймоқранглилар» билан меҳнат шартномаси жорий мавсум охиригача ҳисобланган.
