«Barselona»ning sobiq futbolchisi Deku klubning sport direktori bo‘ladi.

Yaqinda ma’lum bo‘lishicha, Mateu Alemani Kataloniya klubini Angliyaning «Aston Villa»siga o‘zgartirishga qaror qilgan.

Insayder Fabrisio Romanoning yangilangan ma’lumotlariga ko‘ra, «Barselona» Dekuni sport direktori lavozimiga nomzod sifatida ko‘rib chiqmoqda.

Mashhur sobiq yarim himoyachi «ko‘k-anorranglilar» prezidenti Joan Laporta bilan yaxshi munosabatda. Uning bu lavozimga tayinlanish ehtimoli katta, ammo hozircha kelishuvga erishilmagan.

Eslatib o‘tamiz, Deku o‘tgan yozda Rafinya Diazning «Lids»dan «Barselona»ga o‘tishida faol ishtirok etgandi.